話咁快又到中秋！每年八月十五都係食吓月餅、飲吓茶，不如趁今年多咗時間喺屋企，試下搞搞新意思！睇落去一齊學整日本中秋必備嘅月見糰子，再趁「秋」「日」酒祭買返支日本酒，過一個日式中秋啦～ 月見糰子（原味/抹茶味） 材料： 糯米粉 50g 嫩豆腐/滑豆腐 60g 抹茶粉 5g （如製作原味可省略） 日式甜醬油 （如配以黃豆粉或現成紅豆蓉食用可省略） 材料： 水 150ml 日式醬油 2湯匙 味醂 2湯匙 糖 2湯匙 生粉 1湯匙 製作月見糰子 1．原味：將豆腐放入糯米粉中混合，搓勻至無粉粒、成麵團； 抹茶味： 先將糯米粉及抹茶粉混合，再放入豆腐，搓勻至無粉粒、成麵團； （若麵團太乾或裂開，按需要添加適量豆腐；若麵團太濕或黐手，按需要添加適量糯米粉） 2．將麵團搓成長條狀，並平均分割成小塊； 3．將分割好的麵團搓成小糰子或自己喜歡的形狀； 4．煮滾一煲水，放入小糰子，持續攪拌、避免黐底； 5．當小糰子浮起，再煮1-2分鐘，即可撈起； 6．將煮熟的小糰子放入室溫水/冰水中； 製作日式甜醬油 （如配以黃豆粉或現成紅豆蓉食用可省略） 1．將生粉加小量水拌匀，備用； 2．將水、日式醬油、味醂、糖順序加入細煲，中細火煮至糖溶化，期間持續攪拌、避免煮燶； 3．糖溶化後，熄火並加入生粉水，攪拌至濃稠； 造型 1．將小糰子串成一串串或堆砌成糰子塔； 2．按喜好加入黃豆粉、紅豆泥或淋上日式甜醬油； 3．大功告成！ 日本酒推介 齋食月見糰子有啲寡，可以揀返支日本酒，邊食、邊飲、邊賞月！ 三得利 夜の紅茶酒 500ML 講起日本酒就不得不提三得利呢個牌子，皆因佢哋嘅低濃度酒精飲品一向都好受歡迎！呢款夜の紅茶酒有多種飲法，鍾意清爽啲嘅可以加冰、鍾意有多少少變化嘅可以加牛奶、鍾意用嚟配甜品或者解膩嘅加熱都得！